Publicado en Campañes

Campaña «La sidra, como siempre se dixo»

El Principáu promociona’l vocabulariu sidreru
al traviés de la campaña «La sidra, como siempre se dixo»

La conseyera de Cultura, Política Llingüística y Turismu, Berta Piñán, y el director de Política Llingüística, Antón García, presentaron nel Muséu de la Sidra de Nava la campaña La sidra, como siempre se dixo, una iniciativa que quier dar a conocer ente la ciudadanía’l vocabulariu especificu vinculáu a la cultura sidrera, caracterizáu por términos inequívocamente asturianos.

Esta campaña ye una de les acciones de promoción y defensa de la cultura sidrera, que la so candidatura a ser Patrimoniu Inmaterial de la Unesco impulsóla’l Gobiernu del Principáu con un sofitu social ampliu. Precisamente, el vocabulariu específicu pa llamar a cada elementu del procesu d’ellaboración y consumu de la sidra ye una parte fundamental de la so identidá y da-y orixinalidá y especificidá.

La imaxe central de la campaña supón un homenaxe del dibuxante Ernesto García del Castillo, Neto, al popular cartel ¿Qué tien la sidra?, realizáu va más de 40 años por Elías Antonio Garrido Barrientos (1933-2019), conocíu como Garrido. El recuerdu consiste na actualización d’aquella ilustración tan popular, incorporando la realidá social asturiana de güei, ensin perder la esencia, la tradición y l’humor qu’usó Garrido pa representar la cultura sidrera.

Los personaxes del cartel faen comentarios al respective de la sidra que tán bebiendo y pa eso usen delles de les munches espresiones tradicionales qu’existen n’asturianu pa valorar la nuestra bebida más identificativo: «Ta de bandera», «Fai bon vasu», «Pue bebese», «Ta cantarino», «Rasca nel gargüelu», etc.

La Conseyería de Cultura, Política Llingüística y Turismu va repartir ente les sidreríes el cartel nuevu, amás d’un folletu relativu al vocabulariu sidreru. Ta previsto distribuyir 60.000 dípticos y 2.000 carteles per tol territoriu, amás d’una versión del folletu n’eonaviegu pa repartir nel estremu occidental.

Equí pues descargar los materiales de la campaña:

Cartel La sidra, como siempre se dixo.

Folletu en llingua asturiana.

Folletu n’eonaviegu.

Spot de la campaña.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *