Esperamos un día de cielos prácticamente cubiertos en tol Principáu d’Asturies. Yá dende primer hora va abondar la nubosidá y van esperase precipitaciones débiles pero que podríen afectar a cualquier puntu de la rexón. Asina tou, conforme vaigamos moviendo escontra l’oriente asturianu estes agües podríen ser más frecuentes. Los vientos van ser fluexos de norte con posibilidá de dalguna racha moderada y con enclín a afitase de nordeste a la fin. Les temperatures máximes van baxar llixeramente salvo na mariña occidental polo que, a dures penes, van superase los 20 ºC na mayoría de poblaciones. Les mínimes, pela so parte, apenes van variar respectu al miércoles.
El vienres prevese xuna xornada muncho más estable. Vamos tener intervalos nublos pero tamién momentos de grandes claros nel cielu. Nun se van esperar agües en nengún momentu. Les temperatures máximes van xubir de forma xeneralizada, pero lo fadrán de forma más significativa nel interior.
El sábadu vamos encarar un día soleyeru en toa Asturies con temperatures a l’alza. Finalmente, ye posible que’l domingu empiece soleyeru pero les nubes vaigan col intre de la segunda metá del día. A más llargu plazu, adícase xuna próxima selmana inestable (sobremanera na so recta final)
