Una vegada más, y van yá 14, arrincamos l’añu revolviendo conciencies al traviés del cine cola Amuesa de Cine Social y Derechos Humanos d’Asturies. Mientres 21 díes vamos esfrutar —y vamos sufrir— con películes rodaes por tol mundu que ponen el focu nes hestories que munches vegaes nun lleguen a la gran pantalla.
Volveremos mirar a Gaza para denunciar el xenocidiu palestín; vamos echar la vista tras para recordar les lluches de quien nos precieden y rescatar les voces que la dictadura trató de callar; vamos mirar al futuru para preguntar qué va pasar si nun atayamos la emerxencia climática; vamos reparar con detalle los problemes de la vivienda; vamos esquizar proyectos autoxestionaos y activistes de la mano de les sos ceadores; vamos afitar la vista na vulnerabilidá; vamos siguir rodando vides LGTBIQ+, hestories de migraciones y apuntando el nuesu oxetivu escontra los marxes.
Amás de proyecciones, vamos cuntar con presentaciones de llibros, diálogos y alcuentros. Llueu vamos dar a conocer tola programación y esperamos volver vevos nes sales para compartir reflexones.
