- Alborecemos con intervalos nubosos entemecios ente dellos claros o abancios anque viendo la imaxen del satélite paez que va entrar nubosidá compacta que vien acompangada de truena. Les temperatures tan alrodiu de los 6ºC y nel puirtu Payares rexisstren -2,6ºC.
- Güei vamos tener nubosidá más abondosa nel llitoral onde van tener dalgún xarabatu de calter moderáu durante la mañana ya pue venir acompangáu de truena. Nun se descarta nel restu de la fastera centru-oriental anque equí van alternase les nubes con dellos claros o abancios. Les temperatures van camudar poco, calteniéndose un ambiente fríu, sicasí al finar el día pue templar dalgo y l’aire sedrá gallegu con raches moderaes na costa y zones altes. La nieve surdirá perriba de los 1400m
- Mañana xueves un frente activu va dexanos precipitaciones d’oeste a este, sobre too pela tarde cuando puen ser moderaes y persistentes con unes temperatures que van camudar poco ya cola nieve que surdirá perriba de los 1400m. L’aire gallegu seguirá soplando con fuercia nel llitoral y cordelera.
- El vienres l’aire ábrigu templará l’ambiente abondu y nel cielu tendremos intervalos de nubosidá media-alta, situación que va estendese’l sábadu y domingu, sicasí estos díes veremos más el sol.
