Día de… / #DíaMundialdelaSaludAmbiental #WorldEnvironmentalHealthDay ·#SaludAmbiental
Ye una efeméride de vital importancia empobinada a garantizar la sostenibilidá de los ecosistemes, en pro de la salú de les xeneraciones actuales y futures. Pretende concenciase a la población mundial sobro la importancia de curiar el nuesu planeta, los sos recursos naturales y les especies qu’habiten nél.
Orixe del Día Mundial de la Salú Ambiental. Nel añu 2011, foi por iniciativa de la Federación Internacional de Salú Ambiental (International Federation on Environmental Health (IFEH).
La so finalidá ye sensibilizar y concenciar a la población mundial sobro la salú del mediu ambiente.
Esta organización tien la so see principal en Londres y arrexunta a más de 44 estaos miembros. El so llabor #empobinar a la investigación científica y técnica en materia de salú ambiental.
¿En qué consiste la salú ambiental?
D’alcuerdu a la Organización Mundial de la Salú (OMS), la salú ambiental ye aquella disciplina que s’encarga d’estudiar, prevenir y controlar factores ambientales y de la redolada que puedan influyir nos seres vivos.
Fai fincapié na prevención y control d’aquellos factores presentes nel mediu ambiente que puedan afectar la salú humana de xeneraciones actuales y futures.
Dalgunos d’estos factores ambientales qu’inciden na salú pública son los siguientes:
- Radiaciones electromágnéticas non ionizantes: alteraciones físiques y patolóxiques.
- Contaminación sónica: problemes auditivos.
- Cambeos meteorolóxicos o estacionales: alerxes, catarros respirarorios, reumatismos, anxina de pechu.
- Cambeos de mugor: deshidratación, mancadures cutanees.
- Material particulau: silicosis pulmonar, enfisema pulmonar.
- Esposición a radiaciones ultravioleta: daños oculares.
- Virus, bacteries y otros microorganismos: enfermedaes infectocontagiosas.
Per otra parte, la salú ambiental ye considerada una política pública esencial, empobinada a prevenir y menguar l’apaición d’aquelles enfermedaes que son xeneraes por condiciones ambientales desaparentes.
En tal sentíu, promueve la protección de la salú y prevención d’enfermedaes pa la meyora de la calidá de vida de les persones.
