- Alborecemos col cielu escampláu ya con unes temperatures que tan alrodiu de los 9ºC, rexistrándose nel puirtu Payares 5,6ºC.
- Güei vamos tener una mañana mui soleyera col cielu poco nuboso o escampláu pa dir aumentando la nubosidá alta pela tarde pero que malpenes velará al sol. Les temperatures n’ascensu nel interior, calteniéndose na costa por mor del vientu nordés que seguirá siendo cafiante ya baxará la sensación térmica.
- Mañana sábadu tará’l cielu empuercáu de nubes medies y altes que dexarán pasar la llume del sol pela mañana quedando nuble durante la tarde con unes temperatures que camudarán poco o baxarán llixeramente nel interior por mor de les nubes, mentantu na costa ascenderán tamién llixeramente pero esta vegada por mor del amenorgamientu del vientu nordés.
- El domingu seguiremos col cielu empuercáu de nubes medies y altes cola posibilidá de que caiga dalguna gotera, sobre too na cordelera y fastera surocidental d’Asturies con unes temperatures que seguirán siendo afayices.
- Paez que la selmana viniente sedrá estable con temperatures suaves ya nubes ya claros o abancios nel cielu, pero esto yá lu diremos viendo.
