Un día más, esperamos tiempu anticiclónicu na rexón. El día va presentase soleyeru en tola rexón dende primer hora de la mañana. Sía que non, podría dir apaeciendo cierta nubosidá de tipu altu a lo llargo de la segunda parte del día pero va ser insignificante. Ello ye que la probabilidá d’agües va ser dafechu nula. Los vientos van predominar de componente d’este con raches moderaes na mariña, ente que nel interior va faese esperen fluexos. Les temperatures máximes van xubir hasta 5 graos nel suroccidente al respective de ayeri xueves, hasta 4 graos nel cordal, hasta 3 graos nel restu del interior y hasta 2 graos na mariña y proximidaes. Les temperatures mínimes van ser similares a les d’esti xueves, pudiendo xubir bien llixeramente nel cordal y calteniéndose nel restu del Principáu.
El sábadu vamos reparar cómo van aumentar les nubes y nun se refuga que pueda acabar lloviendo nel occidente asturianu. Les temperatures máximes van baxar namá nel sector occidental y nun van esperimentar variación nel oriental. Les mínimes van xubir de forma xeneralizada.
El domingu, entá con incertidume, tou apunta a que finalmente la probabilidá d’agües sía baxa con momentos d’escamplaes mientres el día.
