Esperamos cielos pocu nublos o prácticamente estenaos en tol Principáu d’Asturies. Siguimos so la influencia de les altes presiones y eso ye claru sinónimu d’estabilidá. L’anticiclón ta bloquiáu la llegada d’umbaes enagora, anque se va dir debilitando de forma que la fin de selmana sí que se preve la llegada de les baxes presiones. Pero centrándonos nel día de güei, vamos esfrutar del bon tiempu acompañáu d’un llixeru ascensu de les temperatures máximes (hasta 2 graos más) salvu na mariña oriental onde se van caltener ensin cambeos. Los vientos van soplar de componente este, fluexos nel interior y con raches moderaes na mariña.
El vienres tamién vamos encarar otra xornada soleyera a pesar de que nun se refuguen cielos atapecíos pela tarde. La probabilidá d’agües, al igual que güei, va ser dafechu nula. Les temperatures van xubir de forma xeneralizada hasta 3 o 4 graos más al respective de les que vamos anotar.
A lo llargo del sábadu prevese un aumentu de les nubes con posibilidá de precipitaciones a la fin del día nel occidente.
El domingu hai alta posibilidá de cielos bien nublos y agües.
