El Monopoly cumple 90 años, anque en verdá tien munchos más. Escritora y feminista activa, Elizabeth Magie creó ‘El Xuegu del Propietariu’ (precursor del Monopoly) en 1904. Años dempués apoderáronse del so inventu. Foi Charles Darrow, la primer persona que se fixo millonaria con un xuegu de mesa aprovechóse, en realidá, de la idea d’una muyer, Elizabeth Magie, que pretendía denunciar cola so invención los peligros ya inxusticies del sistema capitalista. Wiki /
Mercar, axustar, especular, forrase y, poques gracies, acabar na cárcel. Monopoly, el célebre xuegu, anguaño nonagenario, ye una metáfora del capitalismu desenfrenáu. Con más de 300 millones d’unidaes vendíes ye, ello ye que’l xuegu de mesa más vendíu de la Hestoria.
Magie quería que los xugadores cavilgaren sobro la manera en que la sociedá capitalista emprobez a la mayoría y arriquez a unos pocos. Disponible en 114 países y casi 50 idiomes, con más de 3000 versiones (de Star Wars, de Xuegu de Tronos, de Fortnite, por rexones o ciudaes…), el Monopoly foi nos sos oríxenes, sicasí, un xuegu educativu por que los xugadores cavilgaren sobro la manera en que la sociedá capitalista emprobez a la mayoría y arriquez a unos pocos.
Monopoly (Monopoliu en delles versiones al español) ye un xuegu de mesa basáu nel intercambiu y la compraventa de bienes raíz (de normal, inspiraos nos nomes de les cais d’una determinada ciudá), güei ye propiedá de la empresa estadounidense Hasbro. Monopoly ye unu de los xuegos de mesa comerciales más vendíos del mundu.
Como’l nome suxure, l’oxetivu del xuegu ye formar un monopoliu d’ufierta, teniendo toles propiedaes inmuebles qu’apaecen nel xuegu.
