Mia Adhara, de 3.035 gramos y 47,5 centímetros de llargor, convirtióse esta madrugada na primer asturiana nacida en 2026 al dase l’allumamientu a les 0:36 nel Hospital Universitariu Central d’Asturies (HUCA), n’Uviéu, según informó la Conseyería de Salú.
Según les mesmes fontes, ye la única nacencia que se rexistró, pel momentu, esti xueves nel centru sanitariu de referencia del Principáu. El segundu ñácaru nació n’Avilés pasaes yá les 10:30 de güei.
Les primeres hores del añu fueron seles nes sales de partos del Hospital de Cabueñes, en Xixón; del Hospital San Agustín, d’Avilés; del Hospital Álvarez Buylla, de Mieres, del Hospital de Cangas, y nes del Hospital del Oriente, que nun rexistraron nengún allumamientu.
Los sos padres, Alejandra y John Alexander, d’orixe colombianu, piensen na rexón como’l llugar onde criala de la meyor manera posible, con toles oportunidaes que vemos acá.
Hores dempués llegaríen Lucca, tamién nel Hospital Central d’Asturies; María, nel San Agustín d’Avilés; y Luciana, nel Hospital de Cabueñes, en Xixón
