Les altes presiones atlántiques xuníu a baxes presiones alcontraes al sur del país, faciliten la entrada d’aire templao dende’l continente africanu qu’afecta de forma intensa a gran parte del país. Concretamente n’Asturies la situación va ser más moderada pero sí que se preven dellos díes de calor pudiendo superase los 30 ºC na rexón. El llunes vamos tener nubes altes mientres la mañana con enclín a estenase los cielos por completu a partir del mediudía. Va ser una xornada, polo tanto soleyera, anque pela nueche prevese la entrada de nubes baxes dende la mariña que van poder estendese escontra l’interior. La probabilidá de precipitaciones va ser nula. Les temperatures máximes van xubir hasta 6 o 7 ºC nel interior, y dichu ascensu va ser menos significativu na mariña. Les mínimes van xubir llixeramente n’altes zones del cordal, nun se refuga que baxen na mariña, y van caltenese ensin cambeos nel restu.
El martes, vamos amanecer con nubes baxes y, mientres les hores centrales del día, prevense intervalos de nubes altes para, previsiblemente, volver apaecer la nubosidá baxa a lo llargo de la tarde, a lo menos na mariña. Les temperatures van baxar pero, volverán xubir tanto’l miércoles como’l xueves.
