Nin Macizu del Gorbea nin Sierra d’Aralar: l’osu pardu llogra superar los 400 exemplares y reconquista España. L’osu pardu espándise n’España con una recuperación notable nos últimos años, y establezse nel Cordal Cantábricu. Español.com
La población d’osu pardu n’España yá supera los 400 exemplares y márcase un finxu para la especie. En pasando por una terrorífica fase de peligru d’estinción, la so recuperación yá ye considerada como un ésitu del caltenimientu, estableciéndose con fuerza nel Cordal Cantábricu.
Los espertos celebren la noticia, y con motivu, porque pasemos d’una especie sentenciada nos años 90 a una población que güei relluma y crez de manera natural en redolaes montascoses y controlaos.
El núcleu occidental (Asturies, Llión y Llugo) ye’l más robustu, pero l’oriental (Palencia, Cantabria y Llión) ye’l que más rápidu ta creciendo proporcionalmente nos últimos años.
Esta crecedera inclusive dexó que l’osu pardu torne a zones del noroeste peninsular, como les contornes de Cabrera, Carballeda y Sanabria, onde nun se rexistraba la so presencia de forma estable dende faía más de 150 años: una auténtica barbaridá que dexa que la especie agora pueda alendar, y sobremanera gracies a la fin de la caza furtiva.
L’osu pardu, salváu y estable n’España La presencia mayoritaria del osu pardu nel Cordal Cantábricu nun ye casual nin coincidencia, sinón la resultancia d’una combinación de factores xeográficos, biolóxicos y de supervivencia histórica que llevaron al animal a establecese nesti «nuevu llar» por que les sos families espolleten.
La persecución constante y la destrucción del so hábitat arrequexaron al osu pardu nes zones más remotes y de mal accesu. El Cordal Cantábricu, colos sos valles fondos y fasteres serrapatoses, ufiertó l’aislamientu necesariu por que les últimes poblaciones sobrevivieren al esterminiu d’esa caza incesante.
El cordal tien un ecosistema de montes caducifolios mistos (carbayos, hayas, castañales y abedurios) qu’apurre una despensa natural escepcional.
Primeres imaxes de los osos en modo primavera n’Asturies fueron captaes nel Parque Natural de Somiedu, onde una familia d’osos dexóse vese tres la envernía. Anque l’iviernu oficial terminó’l 20 de marzu, les altes temperatures de les últimes selmanes aceleraron l’espertar de los osos, que yá tán en «modo primavera» dende va díes. LNE
Imaxes / Les imaxes amuesen a los animales pasiando, comiendo y xugando, tres meses n’envernía. Treslladáronse de los fayedales y carbayeres a zones caliares, onde s’alimenten de biltos tienros, raigaños ya insectos, y nos praos tienen accesu a plantes bulboses, umbelíferes y gramínees.
