El II Foro y Esposición de la Camelia Ciudá d’Uviéu arrincó esta mañana col plantíu, nel Campu San Francisco, d’un exemplar d’esta flor bautizada col nome de la capital asturiana. El so oxetivu ye poner en valor la camelia como elementu venceyáu a la identidá floral de la ciudá y, coles mesmes, siguir reforzando la visibilidá del sector. Oviedo.es
Una cita que va combinar divulgación científica y actividaes abiertes al públicu para reforzar el papel d’esta flor como símbolu de la ciudá y dar visibilidá al sector local. «Ta pensáu por y para l’esfrute de los uvieinos, los asturianos y tolos visitantes», confesó María del Carmen Inés Fuenteseca, una de les organizadores del eventu.
«L’oxetivu ye empecipiar nueves víes científiques para caltener y aumentar los nuesos espacios verdes, tratando de qu’esti campu de la divulgación científica tea abiertu a neños y nuevos, quien van ser los cuidadores y valedores del futuru medioambiental», señaló Fuenteseca.
