Vamos amanecer con cielos nublos na metá norte asturiana y con sol yá dende primer hora nel restu de la rexón. Pero, a partir del mediudía, claramente vamos reparar como van dir sumiendo les nubes dando pasu a una tarde soleyera en tol Principáu. A lo sumo, podríen apaecer delles nubes medies o altes poco importantes nel cordal. Los vientos van ser fluexos y variables, anque van poder acabar predominando de noroeste siquier na mariña. Les temperatures máximes van ser bien similares a les del domingu y, sicasí, les mínimes van ser más altes cuidao que se preve un ascensu xeneralizáu d’hasta 2 o 3 ºC más.
El martes esperamos xuna mañana estable na que’l sol volverá cobrar protagonismu, pero a lo llargo de la tarde, va entrar xuna masa de nubes pol occidente que se va estender por tola Comunidá Autónoma que va acabar dexando precipitaciones de calter débil. Los vientos van ser fluexos y variables. Les temperatures van baxar especialmente nel interior ente que na mariña y zones próximes apenes se va ver alteriaes.
Los siguientes díes van venir marcaes peles nubes y, nuevamente, pola posibilidá d’agües.
