La previsión del tiempu n’Asturies depara para esti vienres un amanecer con nubes baxes en zones de la metá norte asturiana, pero a lo llargo de la mañana van estenase prácticamente por completu dexando’l cielu azul en tol Principáu. Nun se preven precipitaciones y los vientos van predominar de nordeste fluexos nel interior y con dalguna qu’otra racha moderada na mariña. Les temperatures apenes van variar tantu nel casu de les máximes como nel de les mínimes. Poro, les temperatures van ser branices anque, evidentemente, llueñe de los escesivos rexistros que se tán anotando na mayor parte del restu del país.
El sábadu volveremos empecipiar el día con nubes baxes que se van dir retirando col intre de la mañana, anque nun se refuga que pudieren siguir presentes en puntos de la mariña mientres el día. Los vientos van siguir soplando de nordeste fluexos polo xeneral. Les temperatures mínimes van xubir y les máximes van caltenese o, llixeramente, podríen baxar nel sur de la rexón.
El domingu va ser el día más calorosu de la selmana con temperatures claramente percima de los 30 ºC nel interior asturianu. Esti calor va siguir tamién nel empiezu de la próxima selmana.
