Autora MARIA DEL HOYO / Testu LETICIA SANCHEZ RUIZ
Dámos-y la bienvenida a la seronda col cantar del raitán sobro la caña de un pumar de flor arrezagada, como esperando’l momentu, porque inclusive en dómines de desconciertu, la vida aportuna y floria
Esi raitán interesáu que nos recuerda que, tres la seca y el fueu, siempres torna l’agua para sanar la tierra.
Nun añu tan estrañu, marcáu pol fueu y la violencia, el cantar d’esti humilde paxarín al que vemos
saltar ente les fueyes buscando insectos, bayes o migues de pan, siempres tan cercanu y familiar.
Anque pel hibiernu vuélvese territorial y embravecíu, el so cantar ye un soplíu de vida.
En sufriendo en tiempos de pesticidas, güei la so población recupérase y Europa cunta con más de 150 millones de pareyes.
Esti pequenu símbolu de resiliencia convídanos a confiar en La Paz nesta nueva seronda.
María del Hoyo, ye diseñadora gráfica y cofundadora de l’axencia uvieina L’Elefante Coloráu Comunicación. Na so trayectoria profesional combina’l so trabayu gráficu con una incansable esploración nel campu de la plástica que toma dende’l soporte testil a la técnica d’acuarela. @mariadelhoyodesign .
La delicadeza de les palabres de Leticia Sánchez toma la forma d’un inspirador haiku, un bálsamu poéticu qu’acompasa la llegada de la estación.@letisaurus .
@theasturianer./#covermagazine./#ilustradorasasturianas./#culturaasturiana./#naturalezaasturias
