Vamos amanecer con cierta nubosidá anque con más claros escontra’l sur del Principáu. Mientres les hores centrales del día les nubes van dir a menos hasta quedar los cielos prácticamente estenaos en tola rexón. Comoquier, a la fin de la tarde ye posible qu’apaezan nuevamente dellos intervalos nublos. La probabilidá de precipitaciones va ser bien baxa anque, sía que non, nun se refuguen dellos orbayos poco importantes na mariña pela mañana. Los vientos van predominar de nordeste con raches moderaes na mariña y fluexes nel restu. Tocantes a les temperatures, apenes s’esperen variaciones respecto al vienres. Les máximes van ser bien similares y les mínimes, sía que non, van xubir llixeramente nel interior central.
El domingu vamos concluyir la selmana con una xornada soleyera na que les temperatures diurnes van xubir nel terciu oeste y nel cordal, calteniéndose ensin cambeos nel restu. Los vientos volverán soplar de nordeste.
Para la próxima selmana prevense unos díes de calor que podríen llegar a algamar los 35 ºC nes zones más templaes del interior asturianu.
