Ven a la Madreñada ‼️ Dende fai 4 años vien organizándose en Llión un alcuentru p’andar en madreñes y dignificar esti calzáu, nel qu’asistimos munchos asturianos. Ye por ello qu’un grupín d’entusiastes d’esti patrimoniu (Luis Collado, Iván Testón, Lluques Díaz y Denis Soria) quiximos poner en marcha esta cita n’Asturies. Madreñada Asturies / Luis A. Collado
Esti domingu 21 d’avientu pela mañana Uviéu va acoyer la primer Madreñada, una cita bien orixinal y necesaria que quier «reconectar la sociedá asturiana con esta parte del patrimoniu al traviés d’un eventu popular, festivu y reivindicativu, que los asistentes sientan como propiu». La música asturiana va acompañar nesta actividá con un conciertu de Carlos Velasco & Chino El Indio acompañaos del multiinstrumentista Dani Álvarez y con una «caminada en madreñes» na que s’anima a la xente a participar con un instrumentu musical.
Munches gracies a les más de les 200 persones que güei anduvimos per Uviéu. Nestos díes subiremos más semeyes y videos. De momentu dexámovos la noticia que salió en TPA. Gracies!
La madreña ye un elementu perimportante del patrimoniu vivu, hixénicu, sostenible y prácticu frente a la proliferación de los calzaos de goma, pero que vive un procesu de declive motiváu por dellos estigmes asociaos a ella y a la cultura asturiana en xeneral.
Con esti eventu queremos reconectar la sociedá asturiana con esta parte del patrimoniu al traviés d’un eventu popular, festivu y reivindicativu, que los asistentes sientan como propiu.
Pa puxar por esti pegoyu de la identidá asturiana, entamen esta Madreñada qu’arranca a les 11h na Catedral d’Uviéu coña visita guiada Historia de la madreña n’Uvieo, fecha pol historiador Denis Soria de Ser Asturianu; continúa a les 12h nel Fontán cola «caminada en madreñes» na que la organización pide a los y les «participantes llevar los sos instrumentos, tocar y baillar»; y remata a les 13h na Plaza’l Paragües cola actuación del cantador d’asturianada Carlos Velasco en compañía del guitarrista Chino El Indio y el músicu Dani Álvarez.
📺 Ayeri tuviemos nel programa @conexionasturias de la @rtpaoficial pa falar de les madreñes, de la importancia de los madreñeros artesanos y del valor…
El Diario.es / La propuesta llega de la mano d’un grupu d’entusiastes de la cultura asturiana axuntaos sol nome provisional de Colectivu Madreñada, integráu por Denis Soria, Lluques Díaz, Luis Collada ya Iván Testón, quien busquen recuperar non solo l’usu de la madreña, sinón tamién l’arguyu cultural que lo acompaña.
