Al oeste de les mariñes portugueses atópase la umbada «Therese» ensin amenaza dalguna cuidao que los modelos meteorolóxicos nun agoren que se vaya enfusar na Península Ibérica mientres los próximos díes. Poro, ye la situación ideal por qu’esperemos tiempu estable na nuesa rexón. Güei miércoles prevense intervalos de nubes altes a lo sumo con enclín a estenase los cielos a lo llargo de la tarde especialmente. La probabilidá de precipitaciones va ser nula y los vientos prevense fluexos y variables polo xeneral. Les temperatures máximes van baxar unos 2 o 3ºC nel terciu occidental respectu al martes, ente que nel restu del Principáu van caltenese ensin cambeos importantes. Les mínimes, gracies a la presencia de cierta nubosidá alta, van xubir un par de graos de forma xeneralizada salvo nel cordal onde nun van esperimentar variaciones.
El xueves vamos siguir con bon tiempu n’Asturies. Los cielos van tar poco nublos o inclusive estenos. A lo sumo pela mañana nun se refuga delles gurrianes na mariña y, de cara a la tarde, anque va ser abondo difícil nun se refuga que pueda escapase dalgún bastiu aislláu en zones montascoses.
