DOP Sidra de Asturias
Presentación de “Pumaeres, Muyeres del Pumar” 
Un alcuentru para celebrar la cultura sidrera y poner en valor el trabayu de les muyeres que curien los pumares y sostienen una tradición que ye identidá. El Comercio /
El volume recueye los testimonios de 33 muyeres que curien de los raigaños de la sidra nes pumaraes asturianes, apurriendo una mirada coral sobro un trabayu esencial y poco reconocíu.
-RSzihKH0Ofrcrxr4G6zkQtK-1200x840@El%20Comercio.jpg)
La obra complementa otros títulos de la mesma colección, como Muyeres del llagar y Muyeres qu’echen sidre, conformando xuna triloxía que dexa entender la importancia y la presencia constante de la muyer na cultura de la sidra d’Asturies dende los sos oríxenes. El llibru combina los testos de Llucía Fernández coles imaxes del fotógrafu Luis José Vigil-Escalera, Lujó Semeyes, reforzando’l valor documental y cultural del proyectu.
“Ensin pumaraes, nun hai Cultura Asturiana de la Sidra que valga”. Con esta idea como fonderada, Llucía Fernández cerró la so intervención na presentación de Pumareres. Muyeres del pumar nel Atenéu Obreru de Villaviciosa, onde reclamó un compromisu firme de consumidores, hosteleros, llagareros y autoridaes col consumu, la ufierta y la producción de sidra ellaborada con mazana asturiana.
L’autora apeló tamién a la responsabilidá de les instituciones pa velar pol patrimoniu cultural sidreru y garantizar una rentabilidá xusta a lo llargo de too el procesu granible.
Pela so parte, el presidente de la DOP aportunó na importancia de visibilizar el trabayu de les muyeres venceyaes a les pumaraes y del mediu rural polo xeneral, estimando a la Fundación Asturies XXI, impulsora de la iniciativa, la reconocencia realizada a estes pomareras.
Tres la presentación, caúna de les muyeres participantes recibió un exemplar del llibru robláu pola autora. L’actu zarrose con una semeya de familia y un brinde con sidra brut DOP.
La obra cunta col sofitu de la DOP Sidra de Asturies y del Conceyu de Xixón.
