Convidámoste a venir a coser, texer, filar, bordar…, a crear y compartir. Puedes traer el to llabor de casa o namás averate a esfrutar del ambiente. Tamién puedes venir a lleer, cuntar hestories, cantar o baillar. Paz Mesa
Día 24 xineru / 
De 16:00 a 19:00 / 
La Panera (Grau) Asturies
Entrada llibre / Anímate a venir a pasar una tarde especial y formar parte d’esti Filandón!
Quienes trabayamos el testil siempres echamos en falta compartir espaciu y tiempu con otres persones que tamién-yos presta’l testil. Con éses ye un gustu collaborar cola Asociación de Folclore La Flor de Grau @laflordegrau y cola Asociación para la Creación Testil @actcreaciontextil, na organización d’esti Filandón, daqué que lleva faciendo la ACT dende va unos años en delles comunidaes autónomes, conscientes de la importancia que tienen estes xuntances pa compartir, esfrutar y TEXER redes.
