Educación empieza una serie de publicaciones venceyaes al oxetivu de l’Axenda 2030 que plantega garantizar una enseñanza equitativa, inclusiva y calidable. La iniciativa conmemora’l décimu aniversariu de la colección d’informes d’evaluación del sistema, disponibles en Educastur / Serie ODS 4. Informe Evaluación N 42 (pdf)/ Actualidá
La primer entrega enceta los programes de diversificación curricular nos centros docentes asturianos.
La Conseyería d’Educación empezó a publicar güei nel portal de Educastur una nueva serie dedicada al oxetivu de desenvolvimientu sostenible 4 (ODS-4) de l’Axenda 2030, que plantega garantizar una educación equitativa, inclusiva y calidable. Esta serie va integrase dientro de la colección d‘Informes d’evaluación del sistema educativu asturianu, que ta disponible nesi portal institucional y que cumple agora diez años.
Esta nueva serie naz cola idea de venceyar los procesos d’evaluación desenvueltos n’Asturies con esti marcu internacional de l’Axenda 2030 para algamar esos trés compromisos globales nel sistema educativu. D’esta manera, la colección d’informes amplía la so proyección y refuerza la so capacidá analítica, al empar que caltien el rigor metodolóxico y la vocación divulgativa que-y caracterizó dende la so creación.
La primer entrega –y, de la mesma, el númberu 42 de la colección– enceta los programes de diversificación curricular nos centros docentes del Principáu
