- SEPA: Serviciu d’Emerxencies del Principáu d’Asturies / .com/112Asturias
- https://www.112asturias.es/se-activa-fase-emergencia-situacion-0-infopa_3
Barbón destaca que los trés quemes más graves tán baxu control gracies al esfuerzu y la coordinación de los operativos. El presidente repite que les prioridaes son “contener el fueu, protexer los pueblos y salvar vides”. «Tamos conteniendo la situación a la espera de que camuden les condiciones ambientales».
El presidente del Principáu d’Asturies, Adrián Barbón, destacó güei el trabayu y l’eficacia de los dispositivos d’estinción que trabayen nel suroccidente asturianu, que dexaron controlar los trés quemes forestales más graves que se rexistren n’Asturies: Degaña, Xenestoso (Cangas) y Caunedo/Gúa/Perl.llunes (Somiedu).
Los trés atópense anguaño so control gracies a la coordinación ente medios terrestres, aéreos y l’Unidá Militar d’Emerxencies (UME), nun esfuerzu combináu que caltuvo en marcha dende ayeri un ampliu operativu formáu per quince medios aéreos, Bomberos d’Asturies, les BRIF, axentes medioambientales, personal del 112, Protección Civil, y bomberos de Navarra, el Principáu d’Andorra y Grecia.
“Un dispositivu que ta bien coordináu por que sía lo más eficaz posible coles mires de contener el fueu, protexer los pueblos y salvar vides”, aseguró’l presidente.
El Serviciu d’Emerxencies del Principáu d’Asturies (SEPA) ye l’órganu xestor de los servicios d’atención de llamaes d’urxencia y emerxencia al traviés del númberu 1-1-2, de protección civil y d’estinción de quemes y salvamentos nel ámbitu territorial del Principáu d’Asturies.
