- Alborecemos col cielu nuboso ya con unes temperatures que tan alrodiu de los 6ºC, rexistrándose nel puirtu Payares -1,3ºC.
- Güei vamos tener el cielu nuboso pero sin malpenes precipitaciones, sicasí pue escapar dalguna gotera o xarabatín feble ya dispersu con unes temperatures en llixeru ascensu ya col aire que sedrá sele ya variable.
- Mañana miércoles entamará a soplar l’aire nordés apurriéndonos un descensu de les temperatures pela tarde qu’amás vendrá acompangáu de nubosidá de retención que mos dexará precipitaciones febles a partir del mediudía. L’aire surdirá perriba de los 1400m anicialmente pa dir baxando la cota hasta los 1000m al finar del día.
- El xueves día de Navidá seguiremos con esi fluxu de vientu nordés que mos empobinará una masa d’aire fríu continental que fadrá descender les temperatures bultablemente, por mor de la soo procedencia la masa d’aire ye más bien seca, asina y too tendremos precipitaciones febles en xeneral, sobre too nos cordales costeros y del prellitoral del centru-oriente asturianu, onde podrá nevar tan solo perriba de los 300m, pero como decimos de manera mui feble.
L’aire sedrá sele y l’ambiente mui ivernal. Al finar el día escamplará y entamará a xelar na mayor parte d’Asturies.
- El vienres tará escampláu ya alboreceremos con xelaes importantes nel interior asturianu, llegando tamién a puntos de la costa, con unes temperatures mínimes en descensu, mentantu les másimes suben dalgo, asina y too l’ambiente seguirá siendo mui ivernal.
- La fin de selmana sedrá seliquino con ascensu de les temperatures másimes y xelaes peles nueches y yá de cara a fin d’añu entamu del viniente paez que podríen volver a baxar les temperatures ya nevar dalgo en cotes baxes pero esto yá lu diremos viendo.
Güei martes espéranos una xornada fría y nubosa n’Asturies, con posibilidá de bastios débiles nel occidente y ensin cambeos nes temperatures. 
#Tiempo #Asturias #FelizMartes
