Taramundi reabre’l Muséu del Agua de Bres tres la so renovación.
L’espaciu, dedicáu a los inxenios hidráulicos tradicionales, abre nel Día Mundial del Agua con nueves propuestes.
Taramundi, tierra de ‘navalleiros’, ye amás territoriu de fueu y agua. Elementos claves nun conceyu que reabre’l so Muséu del Agua en Bres.
Una instalación que, tres una fonda reforma, vuelve amosar los inxenios hidráulicos más famosos, munchos d’ellos inda anguaño en funcionamientu.
Reabre nel Día Mundial del Agua. Failo con una xornada de puertes abiertes p’amosar novedaes como una esposición fotográfica, distintos elementos pa los más pequeños o una biblioteca.
Según la ONU, nel mundu inda hai cerca de 2000 millones de persones que nun tienen accesu a agua potable. La so importancia faise cada vez más fundamental.
