- Alborecemos col cielu cubiertu y lloviendo con unes temperatures que tan alrodiu de los 9ºC, rexistrándose nel puirtu Payares 0,3ºC.
- Güei vamos tener el cielu mui nuboso con precipitaciones de calter moderáu que puen ser persistentes y xeneralizaes, amás les temperatures descenderán y la nieve surdirá perriba de los 1400m. L’aire sedrá variable con predominiu de la componente norte y sele en xeneral.
- Mañana miércoles vamos tener nubes ya claros o abancios con unes temperatures mínimes en descensu, mentantu que les másimes subirán llixeramente. L’aire sedrá sele ya variable.
- El xueves va tar seliquino a primeres hores cuando tendremos nubes ya claros o abancios pa dir aumentando la nubosidá a lu llargu’l día y dexanos precipitaciones al finar la xornada, amás l’aire ábrigu va soplar moderadamente, faciendo que suban les temperatures.
- El vienres torna la lluvia y con élla baxen les temperatures con una cota de nieve qu’anicialmente va tar perriba de los 1800m, pa dir descendiendo a los 1300m a lu llargu la mañana.
- Paez que’l sábadu va tar soleyeru pero fríu y el domingu tendremos dalgún xarabatu y ambiente ivernal con una cota de nieve que pue tar sobre los 700m.
A más a llargu plazu vese nos modelos meteorolóxicos una atmósfera mui dinámica cola posibilidá d’unes fiestes navidies fríes y con nieve pero esto yá lu diremos viendo.
