La Xunta acueye un plenu inclusivu pa conmemorar el Día de les Persones con Discapacidá. Una oportunidá pa recordar qu’ellos tamién tienen voz y votu. La Xunta Xeneral del Principáu acoyó esti martes un plenu inclusivu pa conmemorar el Día de les Persones con Discapacidá. Vídeu. CEE San Cristóbal (Avilés)
Esti videu recueye pequenos momentos del día ente día del nuesu alumnáu, amosando les sos capacidaes, los sos talentos, les sos ganes y la diversidá de formes d’aprender, participar y comunicase que tienen, según la so manera especial d’entender el mundu y d’enfrentase a cada retu.
Al traviés d’estes imaxes, convidamos a tola comunidá educativa a cavilgar sobro la importancia de crear redolaes educatives onde toles persones, siéntanse segures, queríes y valoraes, ayudales a desenvolvese dafechu y a crecer con enfotu.
Previamente, el salón Europa del parllamentu asturianu acoyó la inauguración de la esposición d’arte inclusivu ‘¿Te acuerdas de esta?’, entamada pola Fundación Asturiana d’Atención y Protección a Persones con Discapacidaes y/o Dependencies (Fasad). El presidente de la Xunta Xeneral, Juan Cofiño, convidó a «reflexonar sobre los desafíos a los que s’enfrenten» les persones con discapacidá, «promover l’inxerimientu y defender un futuru pa ellos accesible y equitativu».
El Día Internacional de les Persones con Discapacidá celebra’l 3 d’avientu de cada añu, una fecha establecida pola Asamblea Xeneral de les Naciones Xuníes en 1992 coles mires de promover los derechos y el bienestar de les persones con discapacidá en tolos ámbitos de la sociedá y el desenvolvimientu, según aumentar la conciencia sobro la so situación nos aspeutos políticos, sociales, económicos y culturales de la vida diaria.
Anguaño, el lema oficial ye «Fomentar sociedaes inclusives pa impulsar el progresu social», destacando la necesidá de que les persones con discapacidá non solo participen na sociedá, sinón que lideren tresformamientos y contribuyan viviegamente al desenvolvimientu.
