- Alborecemos col cielu nuboso ya con unes temperatures que tan alrodiu de los 7ºC, ellí onde nun te soplando l’aire ábrigu, onde si ronden los 14ºC, nel puirtu Payeres rexistren 4,8ºC con fuerte vientu.
- Güei vamos tener intervalos nubosos entemecios ente dellos claros o abancios con mayor nubosidá na fastera surocidental con unes temperatures en moderáu ascensu anque al final del día tornarán a baxar cola llegada d’un frentre que mos dexará precipitaciones y nieve perriba de los 1300m. L’aire soplará con fuercia nes zones altes y nel llitoral y sedrá ábrigu.
- Mañana vienres vamos tener una mañana seliquina ente nubes ya claros o abancios con aumentu de la nubosidá pela tarde cola llegada d’una nueva vaguada atlántica fría que mos dexará precipitaciones al escurecer y nieve perriba de los 700m, amás puen tener calter moderáu y ser copioses pela cordelera. Seguirá soplando con fuercia l’aire pero n’esti casu sedrá gallegu.
- El sábadu vamos tener un día seliquín cola apertura de grandes claros o abancios, temperatures n’ascensu y amás l’aire tenderá amenorgar.
- Paez que’l domingu una masa cálida ya humedá mos dexará delles precipitaciones al alborecer pa quedar nuboso durante’l día con un ascensu moderáu de les temperatures.
- La viniente selmana seguiremos cola mesma dinámica d’entrada de borrasques atlántiques que mos dexarán ascensos y descensos de les temperatures y delles precipitaciones pero esto yá lu diremos viendo.
