Nun queda na pa ún de los díes más divertíos del añu, l’Antroxu Y tú, ¿en quién/qué vas transformate esti añu? 
#LaBenéfica #Antroxu #Infiestu #rural
La Benéfica de Piloña ta acabante d’anunciar la fecha d’una de les sos cites añales que más sonadía tien: l’Antroxu en Danza. El sábadu 28 de febreru esti espaciu cultural de L’Infiestu va acoyer esti eventu protagonizáu pol baille y la música tradicional. Entá nun s’anunció la programación pa esti añu, que n’anteriores ediciones incluyó actividaes como pasucáis, taller de baille y concursu de mazcaritos.
Les Nueches en Danza son xuntances participatives de xente pa baillar, tocar y cantar, a la fin pasalo bien. Entamaron a facese en 2015 alredor del colectivu Nueche en Danza; hubo más d’una ventena d’ediciones «oficiales» con cientos de danzantes revitalizando y dando puxu a la musica y el baille tradicional del país; y dende hai unos años entámense actividaes con esta mesma filosofía en munches otres programaciones culturales.
