Esperamos el pasu d’un frente fríu que va percorrer la rexón de norte a sur y d’oeste a este. Yá dende bien temprano, va empezar lloviendo pola mariña, enfusándose les precipitaciones escontra l’interior a lo llargo de la mañana. Pela tarde va siguir lloviendo y va facer en forma de bastios que van ser más frecuentes y probables na metá oriental asturiana.
La cota de nieve va empezar percima de los 1500 metros, y mientres la primer parte de la tarde va asitiase yá en redol a los 1200 metros. A la fin de la tarde vamos poder ver nevar a partir de los 1000 metros d’altor. Los vientos van afitar de componente norte con dalguna qu’otra racha moderada. Amás, a partir de les 16 hores activaráse l’avisu mariellu por foles d’hasta 5 metros d’altor.
Esti avisu va concluyir a la 3 hores de la madrugada del xueves.
Centrándonos nel xueves, vamos siguir con cielos nublos y precipitaciones, siquier, nel sector oriental mientres la primer metá del día qu’entá va poder dexar nieve a partir de los 900 metros. A lo llargo de la tarde la inestabilidá va tender a unviar al par que los vientos van dir rolando hasta afitase de nordés. Tiempu más estable para’l vienres, pero de cara a la fin de selmana va volver la inestabilidá y volverán baxar les temperatures.
