L’Asociación d’Amigos de l’Alfarería de Faru va ver cumplida’l so pidimientu históricu cola construcción d’un centru que va promover actividaes, estudios y l’entrega del premiu Barbón de Faru. LNE / L’asociación ‘Amigos de la Alfarería de Faro’ llucha p’algamar un centru de l’alfarería. RTPA
L’asociación ‘Amigos de la Alfarería de Faro’ nació va nueve años col envís de caltener un tipu de cerámica d’Uviéu del sieglu XI. Corría’l riesgu de perdese tola so herencia con Selito, l’últimu alfareru que se dedicó n’esclusiva a la so producción.
L’asociación esparde y promueve‘l so caltenimientu al traviés d’actividaes y xornaes divulgatives, y convocando añalmente’l ‘Premiu Barbón de Faro’, onde se fai entrega del Barbón, la pieza más significativa d’esti tipu de cerámica que cunta col Premiu Nacional d’Alfarería.
En delles escavaciones arqueolóxiques n’Asturies apaecen restos de cerámica de Faro. Nesti pueblu d’Uviéu había munchos centros de producción y esportábase fuera d’Asturies. Lo que la fai diferente ye’l tipu de barru que s’alcuentra en dellos puntos de la zona, y tamién les sos formes y decoración.
José Manuel Vega ‘Selito’, presidente de l’asociación, ye l’últimu alfareru que se dedicó a la so producción. Y se negaba a ser l’últimu y poro, buscó un sucesor. Esi ye Orlando Morán, arqueólogu de profesión que lleva seis años formándose na fechura d’estes pieces.
La principal llucha de l’Asociación ye algamar que l’Ayuntamientu d’Uviéu construya un centru de l’alfarería de Faro. Nello se trabaya. La idea ye que se faga en Faro y que tenga un taller con producción estable y tienda pa la so venta. Una sala espositiva con pieces antigües, un centru d’investigación pa conocer más la so historia y una escuela-taller que forme a alumnos tanto a profesionales como aficionaos.
