Ye la mayor xubida de precios en 18 años. El Principáu ye la sesta comunidá con mayor encarecimientu de los pisos. El preciu de la vivienda xubió n’Asturies nel segundu trimestre un 13,5% respectu al mesmu periodu del añu pasáu, la mayor xubida en 18 años, según l’Institutu Nacional d’Estadística (INE). LNE
Por tipu de vivienda, la de segunda mano encarecióse un 13,9%, dos décimes más que nel primer trimestre, y la de nueva construcción un 11,4%, dos puntos más.
El Principáu foi la sesta comunidá na que más xubió’l preciu de la vivienda nel segundu trimestre, tres Murcia (14,6%), La Rioxa (13,7%), Aragón (13,7%), Castiella y Llión (13,6%) y Andalucía (13,6 %), y percima de la media nacional del 12,7%.
El fuerte alza de precios n’Asturies producióse dempués de que la vivienda encareciérase’l pasáu añu na rexón una media del 7,8%. La Federación d’Asociaciones d’Empreses Inmobiliaries (FADEI) aseguró ayeri que la esguilada de precios débese a que «sigue esistiendo un problema grave de falta d’ufierta con una demanda estable, polo que los precios xuben cada vez más y a una velocidá cimera a los salarios».
