Leticia Baselgas, panderetera: “El folclore del franquismu foi una construcción política”. L’artista y doctora n’Hestoria del Arte, miembru del grupu L-R, que mira lo tradicional asturianu dende una perspectiva contemporanea, cavilga nos sos diarios sobro música, baille, identidá y territoriu. Ver entrevista / El País
Leticia Baselgas, panderetera y doctora n’Hestoria del Arte, autora de ‘Diarios d’una panderetera’ (La Fabriquina), posa pela redolada de la so casa nel pueblu de Baselgas, nel conceyu de Grau, Asturies, el 23 de payares de 2025.
Leticia Baselgas tien un caldín. Asina ye como llama a esi interés perenne —un caldu burbuxeante, a poco fueu, llenu d’elementos— por entender daqué que-y atraxo dende neña: la cultura tradicional, lo que se llamaben los bailles rexonales”, la identidá acomuñada a tollo. La so peripecia vital, qu’inclúi un doctoráu n’Hestoria del Arte, foi una dialéctica con eses espresiones culturales, sobro les que foi camudando de postura, dende los grupos de baille, los grupos etnográficos o l’asociación Muyeres (que reivindica la pandereta y el papel femenín na música tradicional) hasta una última fase cola creación, al pie de la so pareya Rubén Bada, del grupu de post folk L-R.
