Esperamos amanecer con nubes que van tender a sumir conforme vaiga avanzando la mañana. A partir del mediudía preven cielos poco nublos o inclusive estenaos en prácticamente tol Principáu d’Asturies. A la fin de la tarde vamos reparar la presencia d’intervalos de nubes altes ensin importancia. La probabilidá de precipitaciones va ser nula en tou momentu. Los vientos espérense fluexos pero van afitase a partir del mediudía de nordés-esti y que, concretamente na mariña, podría soplar con intensidá moderada. Les temperatures máximes nun van variar al respective de les anotaes el domingu, ente que les mínimes van baxar llixeramente en zones altes del cordal, van xubir un poco na mariña y van caltenese ensin cambeos nel restu. Tiempo.com
El martes volveremos encarar un día estable a pesar de que, nuevamente, vamos amanecer con cierta nubosidad que va tender a estenase col intre de la xornada. Les temperatures máximes van xubir de forma xeneralizada. Les mínimes, sicasí, van baxar. Para’l miércoles va haber probabilidá de que les agües faigan actu de presencia na rexón.
Xueves 26
Vienres 27
Vuelve la ñeve
