RTPA / La mayor carencia de docentes y d’anovación de los mesmos ta en ciencies y informática.
Según un informe de la Unesco, hasta 2030 van necesitase 44 millones de profesores a nivel global. Hai poca anovación, pocos profesores mozos, y la mayor falta ta nos departamentos de ciencies y informática.
L’informe presentóse güei na Facultá de Formación del Profesoráu y Educación de la Universidá d’Uviéu.
La falta d’anovación ye una de les causes y la torga ye mayor cuando se busquen profesores de matemátiques, bioloxía o informática, profesionales qu’alcuentren meyores condiciones na empresa privada
Los conseyos de los impulsores del informe son incentivar el desendolcu profesional, medrar el reconocimientu social y meyorar les condiciones llaborales de los profesores.
