- Alborecemos con nubosidá baxa ya con unes temperatures que tan alrodiu de los 14ºC, rexistrándose nel puirtu Payares 5,5ºC.
- Güei van dir dixebrándose los estratos del alborecer, pa dexanos nubes ya claros o abancios nes hores centrales del día, surdiendo de nuevu al atapecer tando, como ye vezu nestes situaciones, más escampláu pa la cordelera y fastera surocidental d’Asturies. Les temperatures camudarán poco o subirán llixeramente.
- Mañana martes volveremos alborecer con nubosidá estratificada na fastera central asturiana, tando escampláu nes zones altes y surocidente asturianu. Esti día los estratos dixebrarán primeru pa dexanos un día soleyeru y prestosu hasta que al atapecer surda de nuevu, na fastera central asturiana, nubosidá estratificada. Les temperatures n’ascensu y l’aire del nordés que pue soplar con raches moderaes nel llitoral faciendo baxar perellí la sensación térmica.
- Polo menos hasta’l vienres el tiempu va tar mui estable con sol y ascensu paulatinu de les temperatures.
