- Alborecemos col cielu poco nuboso o escampláu, sicasí tenemos delles nublines no fonderu los valles con unes temperatures que tan alrodiu de los 6ºC, rexistrándose nel puirtu Payares 8,9ºC
- Güei va dir n’aumentu la nubosidá media-alta pa dexanos el día nuble pela tarde con unes temperatures que camudarán poco o subirán llixeramente, amás l’aire sedrá sele ya variable.
- Nel prósimu riscar lloverá dalgo y subirán les temperatures mínimes por mor de les nubes, pela mañana abriranse dellos claros o abancios y pela tarde tornará la lluvia en forma de xarabatos con unes temperatures másimes que van descender un par de graos.
- El xueves paez que nun va llover ya tendremos el cielu solamente veláu per dalguna nube alta predominando los grandes claros o abancios con unes temperatures másimes n’ascensu.
- El vienres l’aire ábrigu fadrá que suban moderadamente les temperatures y mos dexe delles precipitaciones na fastera más surocidental d’Asturies, tando menos nuboso na central y oriental onde nun s’espera agua más que dalguna gotera ocasinal pela mañana pero esto yá lu diremos viendo.
