🌗 ¿Qué ye un #eclis? ✅ Esquiza’l nuesu carrusel divulgativu y afaya, de forma clara y visual, aspeutos básicos sobro esti espectáculu astronómicu: hestoria, tipos, ciclos, eclises solares y llunares. Atopa más información n’Información astronómica astronomia.ign.es. Avérase la fecha… ¡ve preparando la to cita cola #astronomía! 🤩#IGNSpain #CNIG #TríoEclipsesEspaña @transportesgob/ Info eclís d’agostu 2026
Al falar d’un eclís falamos d’un fenómenu astronómicu qu’asocede cuando’l Sol, la Tierra y la Lluna allíniense, y el cuerpu que ta en mediu proxecta la so solombra sobro l’otru. Les órbites de los trés torguen que’l Sol sía’l cuerpu que tea en mediu, afortunadamente, pos si tal cosa asocediera, non solo nun habría llugar a eclís dalgunu, sinón que sería catastróficu pal nuesu planeta. Queden, por tanto, dos posibilidaes.
- Si la Lluna interponse ente’l Sol y la Tierra, la solombra de la Lluna va proxectase sobro dalguna zona de la superficie de la Tierra, y vamos tener un eclís de Sol. Dende esa rexón vamos tar pos a la solombra de la Lluna, y vamos ver el Sol total o parcialmente tapáu por esta.
- Si pela cueta ye la Tierra la que s’asitia ente’l Sol y la Lluna, vamos falar d’un eclís de Lluna, porque dende’l nuesu planeta vamos ver la Lluna escurecida por tar na solombra que proxecta la Tierra.
