Les asturianes Yaiza Novo y Carla Corrolada, medaya de bronce nel Mundial sub-23 de piragüismu. Conquistárenla esta tarde, al pie de les sos compañeres Daniela García y Sara Durán, en Montemor O Velho (Portugal), en K-4 500 metros. LNE
La praviana Yaiza Novo Fernández (Club Piragüismu Ría Baixas- Boiro) y la cangueta Carla Corrolada de Coro (Sociedá Deportiva Santiagotarrak), al pie de la onubense Daniela Garcia Heredia (Piragüismu Tartessos d’Huelva) y la gallega Sara Durán Piñeiro (Piragüismu Portonovo) conquistaron, esta tarde, n’agües de Montemor O Velho (Portugal), la medaya de bronce nel Campeonatu del Mundu de sprint, na modalidá de K-4 y en categoría sub-23, sobre la distancia de 500 metros, con un tiempu de 1.39.26.
La medaya d’oru foi para la tripulación d’Eslovaquia, actual campeona d’Europa de la categoría y modalidá, qu’invirtió nesta oportunidá 1.37.28; en tanto, el metal de plata axudicose les representantes d’Australia, parando’l cronómetru de los xueces en 1.38.96. Pela so parte, n’homes sub-23, el barcu español, col riosellan Alberto Llera Serrano (El Sella), el pucelanu Marcos Caballero Hernández y los gallegos Mauro Domínguez Figueira y Óscar Juan Allegue Pena, acoparon la séptima plaza na final de los K-4 500 metros.
En junior K-4 y tamién sobre 500 metros, la riosellana Celia Llera Serrano (El Sella), la valenciana María Martínez Koshytska y les gallegues Natalia Moreira García y Sofía Parada Piñeiro, acoparon la sesta posición (1.46.39), regata na que trunfaron les magiares (1.40.49), per delantre de les xermanes (1.41.78) y de les serbies (1.41.82), Mientres, en mozos, el K-4 d’España quedó séptimu clasificáu, siendo les trés primeres posiciones para Hungría, Bielorrusia y República Checa.
