Asociación del Hórreo AsturianoEl Gobiernu d’España declara los horros del norte peninsular como Patrimoniu Cultural Inmaterial 🏡✨ El Conseyu de Ministros va aprobar la declaración de los horros del norte de la península ibérica como Manifestación Representativa del Patrimoniu Cultural Inmaterial, la máxima reconocencia estatal nesta materia 🥇.
🌿 Esta declaración remata un procesu empecipiáu en Candás (Asturies), impulsáu pola sociedá civil al traviés de la Rede Internacional Horrea 🤝, formada por asociaciones culturales y espertos d’Asturies, Galicia, Cantabria, Euskadi, Llión y Portugal .
Cuntó amás col respaldu del Institutu del Patrimoniu Cultural d’España 🏛️, clave nel so desenvolvimientu. 💙 N’Asturies, la implicación de la Conseyería de Cultura, Política Llingüística y Deporte foi decisiva 🙌.🔎 Esta reconocencia ye únicu porque integra:
- 🏡 El valor de los horros como arquitectura tradicional
- 🧠 Los saberes, usos y tradiciones acomuñaos a ellos ponse en valor un elementu clave d’identidá compartida nel norte peninsular .
👥 Unu de los aspeutos más importantes ye’l protagonismu de les comunidaes: son les persones y asociaciones culturales quien caltuvieron vivu esti legáu a lo llargo del tiempu. 🏛️ Tou ello xuntu al papel esencial d’espertos ya instituciones públiques, que garanticen la so protección y caltenimientu.
🚀 D’equí p’arriba, empieza una nueva etapa: va ellaborase un plan de xestión y protección para asegurar el so caltenimientu, valorización y tresmisión 📚. ✨ Un finxu históricu que refuerza’l valor de los horros como símbolu del paisaxe y la memoria colectiva del norte peninsular 🌄.🤝 Rede Internacional Horrea de Tenaes Elevaes Tradicionales (Rede Horrea).
