El Principáu estrena la temporada aérea de branu con 30 destinos directos y una ufierta récord de 1,6 millones de places. La Estratexa de Conectividad Aérea incorpora Porto, Florencia y Dublín a la parrilla internacional y capta dos nueves aerollínees: Aer Lingus y KLM. Ta previstu que l’aeropuertu de Santiago del Monte rexistre hasta 372 vuelos per selmana nos momentos de mayor actividá.
- Conseyería de Movilidad, Medio Ambiente y Gestión de Emergencias
https://goo.su/Ux6m4gM - La ufierta de destinos internacionales ye la siguiente: Porto, Florencia, Dublín, París, Roma, Londres, Frankfurt, Milán y Ámsterdam.
- Amás, les conexones nacionales directes para esta temporada son Madrid, Barcelona, Sevilla, Málaga, Granada, Valencia, Castellón, Alicante, Murcia, Palma de Mallorca, Menorca, Eivissa, Xerez, Tenerife Norte, Tenerife Sur, Gran Canaria, Lanzarote, Fuerteventura y Melilla.
L’aeropuertu asturianu operará cuasi 500 vuelos hasta’l 6 d’abril
Les empreses de tresportes reforzaron yá la so operativa de cara a la Selmana Santa, que ye yá más cara pola xubida del carburante, y que calcula 17 millones de desplazamientos per carretera y superar los 70.000 vuelos en territoriu nacional.
Los tresllaos n’autobús podríen superar los 7 millones de pasaxeros, con un 5% más de viaxeros qu’en 2025, mientres les operadores ferroviaries tamién medraron la so presencia, anque l’alta velocidá nun llegará a Málaga pola reparación d’un argayu de va mes y mediu n’Álora.
No que cinca al tresporte aereu, les aerollinies tienen programaos 70.505 vuelos pa un periodu que s’esparde dende ayeri 27 de marzu hasta’l 6 d’abril viniente.
De fechu, nel centru y noreste peninsular, les vacaciones escolares entamaron en munchos centros yá esti vienres y allargaránse hasta’l llunes de Pascua, mientres que na zona de Cataluña y la Comunitat Valenciana esti periodu entamará’l xueves y allargaráse hasta’l domingu 12, cola semana de Pascua inxerta.
Les aerollinies medren places a islles y capitales europees
El xestor aeroportuariu español, Aena, detalló que les aerollinies tienen programaos 70.505 vuelos de llegada y salida pa esta Selmana Santa, nun 0,93% menos qu’en 2025.
Tolos díes superaránse los 6.000 vuelos, siendo les xornaes finales de la Selmana Santa, el domingu 5 y el llunes 6 d’abril, les de mayor tráficu, con 6.771 y 6.652 operaciones, respectivamente.
El grupu Iberia ufierta pa esti periodu más de 1.175.000 places, con 7.329 vuelos: Iberia medró la capacidá dende Madrid a dalgunos destinos como Roma y tamién les frecuencies en Venecia (tres vuelos más a la selmana), Budapest, Atenes y Praga (dos nueves) y Viena (ún más).
Iberia inaugurará’l so vuelu diariu a Newark el 29 de marzu, mientres Vueling programará una ufierta con más de 1,3 millones d’asientos y calcula operar más de 7.000 vuelos en tola so rede.
Barcelona concentrará 850.000 asientos disponibles y más de 2.200 vuelos programaoa nesti periodu, ente ellos con nueves rutes a Nador (Marruecos) y Logroño, anque tamién s’activarán les rutes Palma–Bruxeles, Marrakech–Santiago de Compostela, Palma–Zúrich, Bilbao–Edimburgu, Heathrow–Sevilla y Orly–Santander.
Al empar, Iberia Express programó 34.000 places adicionales pa les Baleares y les Canaries, con 188 vuelos y 209.000 asientos totales.
