Una sola llicencia para cazar y pescar en delles comunidaes: éstes son les qu’aceptaron el conveniu col Ministeriu d’Agricultura (y Asturies ta ente elles). Los permisos van tener un costu de 70 y 25 euros. Les inhabilitaciones por infracciones nuna comunidá van ser compartíes automáticamente en toles demás. LNE
Una única llicencia para cazar y pescar, ensin falta de tener que tramitala en cada comunidá onde se vaya a exercer l’actividá. Ye la ventaya que trai’l conveniu robláu ente’l Ministeriu d’Agricultura, Pesca y Alimentación (MAPA) con delles comunidaes autónomes, ente les que s’inclúi Asturies.
El testu sale este mesmu martes publicáu nel BOE. Ente otres cuestiones, inclúyese que les llicencies que se expedir van tener un añu de validez y un costu fixu de 70 euros pa les de caza y 25 euros pa les de pesca n’agües interiores. Les inhabilitaciones por infracciones nuna comunidá van ser compartíes automáticamente en toles demás.
Amás d’Asturies, suscribieron el conveniu Andalucía, Aragón, Castiella-La Mancha, Castiella y Llión, Comunitat Valenciana, Estremadura, Galicia, Madrid y Rexón de Murcia. La nueva norma sustitúi al marcu llegal de 2017, y supon «una meyora bien significativa», reseña’l MAPA, al incorporase les comunidaes de Castiella-La Mancha y Andalucía, que nun suscribieron l’anterior.
