Consulta pública previa de la Llei de Cultura y Identidá d’Asturies. Abre’l procesu de consulta pública d’una norma imprescindible pa vertebrar el sistema cultural asturianu y meyorar la coordinación ente instituciones, equipamientos y axentes culturales de tol territoriu.- La llei naz col oxetivu de garantizar y facer efectivos los derechos culturales de la ciudadanía y ordenar la organización pública de la cultura, fortaleciendo’l sector cultural asturianu, impulsando la cooperación con profesionales y empreses y creando l’Axencia Asturiana de les Industries Culturales como ferramienta clave pal so desarrollu.
- Al tiempu, pon el focu na protección, revalorización y tresmisión de la cultura asturiana y de les sos señes d’identidá, tanto nel so patrimoniu material como nel inmaterial.
Plazu pa realizar aportaciones: Puedes unviar les tos propuestes hasta’l 3 de xineru de 2026 al corréu 
participa@asturias.org y al traviés del sitiu web 
https://tinyurl.com/5n9x2uhk La to opinión ye clave pa construyir una llei que reflexe la diversidá, la identidá y la riqueza cultural d’Asturies. Participa.
