https://www.instagram.com/theasturianer
Nel Día Internacional del Llobu dedicamos nuesa portada a esti magníficu depredador apical, pieza clave nel equilibriu natural de la biodiversidá. El so papel nos ecosistemes va muncho más allá de la fuerza de la so figura: el llobu esanicia animales enfermos o débiles, ameyorando la xenética de les poblaciones de preses y amenorgando enfermedaes que pueden afectar al ganáu.
Al controlar la población d’herbívoros, evita la sobresplotación de montes y praderíes, y la so sola presencia caltien a estos animales en movimientu, favoreciendo la crecedera de plantes y árboles, protexendo’l suelu de la erosión y ayudando a retener l’agua. Asina, beneficia indirectamente a aves, anfibios, insectos y pequenos mamíferos, al xenerar hábitats más ricos y diversos.
Tamién regula a depredadores medianos como foinos o melandros, y al alimentase de carroña previen la proliferación de plagues y epidemies. Inclusive comparte parte de les sos preses con otres especies, ayudando a protexer cultivos y amenorgando accidentes de tráficu causaos por fauna montesa. Amás, esvalixada granes tantu polo que consume como por aquelles que se xunten a la so pelame, contribuyendo a la rexeneración de los ecosistemes.
Nun hai riesgu de superpoblación: les menaes son grupos familiares pequeños, usualmente de trés o cuatro llobos; solo la pareya alfa reproduzse y non tolos años, ente que l’alta mortalidá xuvenil y la necesidá de territorios estensos llinden de manera natural el so númberu.
Ensin llobos, l’equilibriu ruémpese; con ellos, la vida floria.
@crazy_wasabi_art ./ @theasturianer . / #covermagazine . / #diainternacionaldellupus . / #faunasalvajeasturiana. / #lobovivoloboprotegido .
