Asturies presenta una tasa d’obesidá percima de la media del país.
Cuasi’l 40% de la población española carez sobrepesu.
Cuasi’l 40% de la población española carez sobrepesu. La obesidá n’adultos amuesa un enclín descendente dende 2017, sicasí’l sobrepesu foi n’aumentu nos últimos años.
Por sexos, los homes son quien presenten mayor incidencia, un 47% tienen sobrepesu frente al cuasi 33% de les muyeres.
N’España, la obesidá afecta al 15% de la población. Asturies ta llixeramente percima d’esta media, con cuasi un 16%. A pesar d’ello, somos la comunidá autónoma con menor porcentaxe de menores con obesidá. Representa un 1% frente al 7% nacional.
Esisten melecines bien eficaces,
pero’l so eleváu costu failes cuasi inaccesibles
Les mayores prevalencies de sobrepesu y obesidá danse nos llares de families más vulnerables. Ye una de les conclusiones que saquen del estudiu Aladino que busca prevenir la obesidá infantil.
Por ello l’oxetivu d’anguaño ye concenciar y faer visible esta doble desigualdá apunta Irene Bretón, coordinadora del área d’obesidá na Sociedá Española d’Endocrinoloxía y Nutrición.
La falta d’información y recursos pue provocar que yá dende los primeros años de vida se cree una predisposición a tener más grasa corporal y por tanto a desenvolver enfermedaes.
Dende la Sociedá Española d’Endocrinoloxía y Nutrición encamienten a intentar llevar patrones más saludables pero ponen sobre la mesa que carecer obesidá non solo depende d’un estilu de vida non adecuáu, influyen enforma los factores xenéticos.
Anguaño, asegura, esisten melecines bien eficaces pero’l so eleváu costu failes cuasi inaccesibles.
Y fai un llamamientu a nun culpabilizar a una persona por carecer obesidá. Y celebra que cada vez más instituciones tean poniendo’l focu nesta problemática. Como l’Alianza de Ciudaes ensin Obesidá, onde los conceyos, ente ellos el d’Uviéu, ponen de mancomún les iniciatives que tán llevando alantre.
