LNE / Asina queda la ufierta del aeropuertu d’Asturies: dos nuevos destinos y una ciudá qu’abandona la parrilla. Volotea
va operar 7 destinos internacionales dende l’Aeropuertu d’Asturies en 2026: Lisboa y Milán Bérgamo, rutes que yá opera dende 2023, y va sumar Florencia, Roma, Porto, París y Bruxeles.
Aeropuerto de Asturias.Volotea confirma nuevos destinos internacionales dende l’Aeropuertu d’Asturies. L’aerollínea va conectar la rexón de forma directa con Porto (Portugal) y Florencia (Italia) a partir de 2026. Esta última ciudá sustitúi a Venecia, que dexa d’operar na parrilla de destinos. Súmase a Dublín, operada nesti casu por Aer Lingus. que tamién ye un destín nuevu al respective de la temporada anterior.
Les de Porto y Florencia son dos rutes inédites hasta agora nel aeropuertu asturianu. La compañía Volotea confirmó güei estes incorporaciones nun actu celebráu n’Uviéu, nel que participó’l viceconseyeru de Movilidá, Jorge García. Dambos destinos son frutu de los paquetes de promoción turística del Principáu, a los que se xuntó Volotea.
Amás, l’aerollínea va ufiertar trés frecuencies selmanales con Roma y Bruxeles (Zaventem). Estes dos ciudaes yá figuraben na parrilla del aeropuertu, operaes por Ryanair, pero la compañía irlandesa anunció apocayá la so retirada de dellos aeropuertos por cuenta del so conflictu con Aena. Volotea va cubrir eses vacantes, ente que Düsseldorf piérdese, yá que, enagora, nun se va recuperar la ruta qu’operaba Ryanair.
En resume, Volotea va operar siete destinos internacionales dende l’Aeropuertu d’Asturies en 2026: Lisboa y Milán Bérgamo, rutes que caltien dende 2023, y va sumar Florencia, Roma, Porto, París y Bruxeles (Zaventem), “reforzando la conectividá del Principáu con ciudaes clave n’Europa”, según la compañía. Con estes nueves propuestes, Volotea va operar 24 rutes en 2026, cuatro más qu’en 2025 y dolce más qu’en 2019.
A estes conexones hai qu’añedir les rutes anunciaes a Ámsterdam y Dublín, que van operar KLM y Aer Lingus, respectivamente.
Al pie de los nuevos destinos, Volotea va siguir operando en 2026 rutes consolidaes como Xerez, per segundu añu consecutivu, Granada, Murcia, que sale güei a la vienta, y Castellón, amás de les conexones con Canaries (Tenerife Sur, Gran Canaria, Lanzarote y Fuerteventura) y Baleares (Mallorca, Eivissa y Menorca).
Para acompañar esta crecedera, l’aerollínea va anovar la so flota n’Asturies sustituyendo los sos trés aviones Airbus A319, de 156 places, pol modelu Airbus A320, con capacidá para 180 pasaxeros. El cambéu va producise a partir de la temporada de branu de 2026.
Esta renovación tamién se va aplicar a la ruta ente Asturies y Madrid, inaugurada’l pasáu 31 d’ochobre, que ta rexistrando xuna escelente acoyida, con factores d’ocupación en redol al 90%. Na conexón con Barcelona, el comportamientu ye entá meyor, con una ocupación del 98%. Dambes rutes cunten con billetes disponibles dende 24 euros per trayectu.
