Esperamos una xornada templada n’Asturies na que podrán algamase los 34 o 35 ºC nes zones más templaes de la rexón. Ello ye que l’Axencia Estatal de Meteoroloxía va activar a partir de les 13:00 hores l’avisu mariellu por altes temperatures tantu nel suroccidente como nel cordal. Esti avisu va enllargase hasta les 20:00 hores de la tarde. Concretamente, Grandas de Salime y Cangas van ser les poblaciones más templaes d’Asturies. Nel restu del interior les máximes van rondar los 28/30 ºC, y na mariña los valores térmicos van ser más moderaos. Amás del ascensu de les máximes, tamién se preve un ascensu de les mínimes (ente 2 y 4 ºC en casi tol Principáu). Los vientos van predominar de sur nel cordal y otres zones próximes, ente que nel restu van ser fluexos y variables pudiendo, sía que non, predominar de nordés-esti na mariña.
El vienres tamién va ser un día bien templáu con temperatures similares a les del xueves o, inclusive, un pocu más altes. Poro, ye bien probable que l’Axencia Estatal de Meteoroloxía vuelva activar l’avisu mariellu nos sectores más afectaos. Eso sí, nun se refuga la posibilidá de dellos bastios que, a priori, van ser más probables nel cordal. Los vientos volverán soplar de sur na parte meridional de la Comunidá, siendo variables o de nordeste-esti nel restu.
