Volveremos tener una xornada estable nel Principáu d’Asturies. Vamos amanecer con delles gurrianes na mariña y, posiblemente, n’otros puntos de la metá norte asturiana, ente que nel restu’l día yá va empezar soleyeru. A lo llargo de la mañana, les gurrianes van sumir y van abrise grandes claros de forma que, en prácticamente tola rexón, los cielos van tar soleyeros. Los vientos van ser fluexos pudiendo predominar d’este na mariña. Les temperatures máximes van xubir de forma xeneralizada ente 2 y 3 ºC. Les temperatures mínimes van baxar nel interior de forma llixera.
Mañana sábadu esperen cambeos significativos. La mañana va presentase asoleyada en tola Comunidá Autónoma pero, mientres la segunda metá del día, van apaecer nubes de tipu altu pol occidente que se van estender escontra l’oriente y, darréu, van entrar tamién nubes de tipu mediu. Tocantes a la probabilidá de precipitaciones va ser bien baxa pero nun se refuga que pueda escapase dalguna gota nel oeste asturianu mientres la tarde-nueche. Les temperatures van xubir nuevamente gracies a un predominiu de vientos de sur.
