Con tristeza fonda despidimos a José Manuel Vega, “Selito”, referente imprescindible de l’alfarería tradicional de Faro (Uviéu), una de les figures que meyor encarnaron la memoria viva d’un oficiu centenariu. El so llabor fue fundamental na inclusión de los fornos y testares de la localidá nel Inventariu del Patrimoniu Cultural d’Asturies.
Selito dedicó la so vida a mantener una tradición artesanal que pasó de xeneración en xeneración, trabayando’l barru con conocimientu, constancia y un fondu respetu pola cultura popular asturiana, nun exerciciu de resistencia y amor frente al pasu del tiempu y la pérdida de los oficios y saberes tradicionales. Gracies a Selito la tradición güei sigue viva, dalgo que ye de xusticia reconocer y agradecer col compromisu de tar a l’altura de la so memoria y esti importante legáu que salvaguardó pa l’Asturies del presente y del porvenir.
