‘MÁS VERSOS D’ASTURIES’ de Pintar-Pintar Editorial

Un poemariu ilustráu pa:

•  Neñes y neños a partir de 7-8 años con amor pola tierra.
•  Docentes que busquen recursos pa acercar la poesía oral, l’asturianu y l’amor pola naturaleza nel aula.
•  Families llectores que disfruten de la rima, l’humor y los paisaxes d’Asturies.
•  Clubes de llectura que valoren la tradición oral, la llingua asturiana y la poesía contemporánea.
•  Llibreríes y biblioteques con secciones dedicaes a la llingua asturiana, la poesía y la lliteratura infantil con raigañu.

«Más Versos d’Asturies» esparde’l mapa poéticu que diera entamu «Versos d’Asturies», con poemes nuevos que rebosen humor, ritmu y emoción. Daniel García Granda torna a xugar cola llingua asturiana, faciéndola música, risa y memoria compartida, acompañáu poles ilustraciones d’Ilemi Cuesta Mier, que dan a cada poema un mundu visual cercanu, tienru y fácil de reconocer. Esti llibru ye un viaxe pelos paisaxes, los pueblos, los sabores y les pallabres que formen parte del día tres día n’Asturies, vistu dende una mirada enredadora y poética que convida a lleer en voz alto, a esfrutar del soníu de la llingua y a perdese nél ensin mieu. Ye un poemariu pensáu pa neños y neñes, pero tamién pa xente mozo y persones adultes que quieran alcontrase otra vegada cola poesía como xuegu, como identidá y como fiesta compartida. «Más Versos d’Asturies» ye una invitación a siguir viaxando per Asturies al traviés de la pallabra y a siguir faciendo de la llingua un llugar nel que tar a gustu.